ASF header

Härzlich Willkomme uf de Website vo Asia Frontier Capital

Asia Frontier Capital Ltd. isch en führende und innovative Vermögesverwalter und schpezialisiert uf Kapitalalage i de schnäll wachsende asiatische Frontier Märt. Asia Frontier Capital verwaltet d’Aktiealage vom AFC Asia Frontier Fond und vom AFC Vietnam Fond.

AFC Asia Frontier Fond inveschtiert i Firmene us dä asiatische Frontier Märt wo anere Börse ghandlet wärdet. D’asiatische Frontier-Volkswirtschafte erläbet zurziet en höche Konsumwachstum dank de usgezeichnete demografische Entwicklig, em wachsende Ikomme vo dä Firmene und de Bevölkerig, was schlussändlich es höcheres Bruttosozialproduktwachstum bewürkt. Dä Fond inveschtiert i börsekotierti Unternähmige, wo ihri Hauptgschäftstätigkeite i Bangladesch, Bhutan, Irak, Kambodscha, Laos, Maledive, Mongolei, Myanmar (Burma), Nepal, Pakischtan, Papua Noi Guinea, Sri Lanka oder Vietnam händ. Dä AFC Asia Frontier Fond wird so positioniert, um vom ahaltende Wirtschaftswachstum i de asiatische Frontier Märt profitiere z’chöne. Dä Fond bütet am Alegger än höche Wärtzuewachs sowie än bedütände Portfolio Diversifikationseffäkt. Dä Fond wird vom Thomas Hugger, Gschäftsführer und Gründer vo Asia Frontier Capital Ltd. verwaltet. Dä Thomas Hugger inveschtiert sit über 20 Jahr i de asiatische und afrikanische Schwelleländer, inklusiv Frontier Märt.

AFC Vietnam Fond isch am 11. Dezämber 2013 lanciert worde und wird vom Thomas Hugger und Andreas Vogelsanger gmeinsam verwaltet. S’Team hät gmeinsam über 50 Jahr Erfahrig i de Vermögesverwaltig in dä asiatische Schwelle- und Frontier-Länder und im Rescht vo de Wält. De Fond inveschtiert exklusiv i vietnamesische börsekotierti Firmene, mit em Ziel i unterbewärtete Aktie vo Chlie- und Mittelschtandsunternähmige (KMU) z’inveschtiere. De Andreas Karall, wo de Vermögesverwalter vom Fond isch, hät über 100 börseghandleti Firmene gfunde, wo äs P/E zwüsche 6 und 7 mal händ und um oder underem Buchwärt handlet. Vieli vo däne Firmene händ zusätzlich ä Dividänderendite vo meh als 9% und bi einige vo däne Firmene isch d’Netto Cäsch Position (ohni Schulde) fascht so gross wie d’Börsekapitalisierig.

Falls Sie wieteri Frage zu Asia Frontier Capital, oise Fonds oder zur Alagestrategie händ, schicket Sie doch eifach äs mail a: info@asiafrontiercapital.com.

AFC Asia Frontier Fund

Netto Fond Performance - Klass A USD

AAFF-Perf-Chart

Asia Frontier Capital Limited isch ä Vermögesverwaltigsfirma mit Sitz i Cayman Island. Die vo Asia Frontier Capital verwaltete Fonds sind "open end" Fonds und Inveschtore chönd monatlich noi i d’Fonds i- oder usstiege. D’Fonds händ de Sitz i Cayman Island. Dä "AFC Asia Frontier Fond" isch nur für Inveschtore us Amerika "USA" zuegänglich; dä "AFC Asia Frontier Fond (non-US)" isch für nöd-amerikanische Inveschtore zuegänglich.

Me cha monatlich zum Nettoinventarwärt in Fond inveschtiere. Zeichnige müend schpötischtens 5 Arbetstag vor äm letschte Kaländertag voneme Monat bim Fondadministator iträffe. Es gitt 2 Aktieklasse für jede Währig: Schwiezer Franke (CHF), Euro oder US Dollar (USD).

Falls Sie es Zeichnigsformular wänd oder falls Sie wieteri Frage zu Asia Frontier Capital händ, schicket Sie doch eifach äs mail a: info@asiafrontiercapital.com.

 A KlassB Klass
Verwaltigsgebühr 1.8% pro Jahr uf em Nettoinventarwärt 1.5% pro Jahr uf em Nettoinventarwärt
Wärtsteigerigsgebühr 10% uf dä Wärtsteigerig vom Nettoinventarwärt überem 3 Monat USD LIBOR Zinssatz +2%, mit "high water mark" 8% uf dä Wärtsteigerig vom Nettoinventarwärt überem 3 Monat USD LIBOR Zinssatz +2%, mit "high water mark"
Zeichnige 5 Arbetstag vor em letschte Kaländertag vom Monat 5 Arbetstag vor em letschte Kaländertag vom Monat
Rückzahlig Monatlich zum Nettoinventarwärt - mit 90 Tag Kündigungsfrischt Monatlich zum Nettoinventarwärt - mit 180 Tag Kündigungsfrischt
Fondswährige USD, EUR, CHF USD, EUR, CHF
Erschte Mindeschtzeichnigsbetrag: USD 25,000 für USD Aktie USD 25,000 für USD Aktie
EUR 25,000 für USD Aktie EUR 25,000 für USD Aktie
CHF 25,000 für USD Aktie CHF 25,000 für USD Aktie
Bewärtigstag Am letschte Kaländertag vom Monat Am letschte Kaländertag vom Monat

AFC Vietnam Fund

Priesperformance vom Nettoinventarwärt I USD

AVF-Perf-Chart

Asia Frontier Capital (Vietnam) Limited, mit Sitz i Cayman Island, isch dä Vermögesverwalter vom "AFC Vietnam Fund". S’Ziel vom Fond isch en langfrischtige Kapitalwachstum z’erreiche durch Inveschtizione i unterbewärteti Firmene mit hohem Wachstum, hauptsächlich i Chlie- und Mittelgrossi Unternähmige (KMU).

AFC Vietnam Fond wird vom Thomas Hugger, Andreas Karall und Andreas Vogelsanger gmeinsam verwaltet. S’Team hät gmeinsam über 75 Jahr Erfahrig in dä Vermögesverwaltig und im Börsehandel. Usserdem händ d’Teammitglieder zusätzlich Arbetserfahrig in Hongkong, Kambodscha, Singapur, Sri Lanka und Thailand.

Falls Sie es Zeichnigsformular wänd oder falls Sie wieteri Frage zu Asia Frontier Capital und AFC Vietnam Fond händ, schicket Sie doch eifach äs mail a: info@asiafrontiercapital.com.

 C Klass
Verwaltigsgebühr 1.8% pro Jahr uf em Nettoinventarwärt
Wärtsteigerigsgebühr 12.5% uf dä Wärtsteigerig vom Nettoinventarwärt mit "high water mark"
Zeichnige 5 Arbetstag vor em letschte Kaländertag vom Monat
Rückzahlig Monatlich zum Nettoinventarwärt - mit 60 Tag Kündigungsfrischt
Fondswährig USD
Erschte Mindeschtzeichnigsbetrag: USD 10,000
Bewärtigstag Am letschte Kaländertag vom Monat

Kontakt AFC

Rächtsitz:
Asia Frontier Capital Ltd.
c/o Ogier Fiduciary Services (Cayman) Ltd.
89 Nexus Way
Camana Bay
Grand Cayman KY1-9007
Cayman Islands

Hauptsitz:
Asia Frontier Investments Ltd.
Ruum1208, 12. Schtock, Loon Kee Building
267-275 Des Voeux Road Central
Hong Kong
Tel: +852 3904 1015
Fax: +852 3904 1017
Email: info@asiafrontiercapital.com

 

mrt-logo
U-Bahn Station "Sheung Wan" (Island Line), Usgang B

Asia Frontier Investments isch durch d' "Hong Kong Securities and Futures Commission - SFC" für "Advising on Securities" (Type 4) und "Asset Management" (Type9) lizenziert.

* Dä rächtlichi Verträter vom AFC Asia Frontier Fond (non-US), AFC Iraq Fond (non-US) und AFC Vietnam Fond i de Schwiiz isch Hugo Fund Services SA, 6 Cours de Rive, 1204 Genf. De Fondvertrieb i de Schwiiz isch nur a "qualifizierti Inveschtore" erlaubt. Dä Rächtssitz vo Fondateile platziert i de Schwiiz isch bim Rächtssitz vom rächtlichi Verträter .